UZEI Neoloteka A-Z uhin berde

uhin berde; olatu berde

Garraioa, posta, telekomunikazioak

eu: uhin berde; olatu berde
es: ola verde; onda verde
fr: onde verte; vague verte
en: green wave

Definizioa:

Semaforoak sinkronizatzea, abiadura jakin batean doazen ibilgailuek ahalik eta geldialdi gutxien egin behar izateko, eta, ondorioz, garraioa arintzeko eta isuriak murrizteko.

uhin berde

(iz.)

Testuingurua:

Sistema horri 'uhin berdea' deitzen zaio eta Bizkaiko Aldundiko Mugikortasuna, Garraioa eta Errepideak Saileko iturrien arabera, emaitza onak eman ditu beste herri batzuetan.

DERTEANO, Joseba. « Izurtzan ipiniko duten semaforo sistemak emaitza onak eman ditu beste herri batzuetan». Anboto. || Data: 2021-02-10

https://anboto.org/izurtza/1612952389107-izurtzan-ipiniko-duten-semaforo-sistemak-emaitza-onak-eman-ditu-beste-herri-batzuetan

Azaldu dutenez, uhin berdea zirkulazioaren jarraikortasuna bultzatzeko sistema bat da.

VENTAS ALDABALDETREKU, Amaia. «Apirilean hasiko dira biribilgunea eraikitzen Zarauzko Nafarroa kalean». Guka. || Data: 2014-03-25

https://guka.eus/urola-kosta/1657293117647-apirilean-hasiko-dira-biribilgunea-eraikitzen-zarauzko-nafarroa-kalean

Lehen agerraldia: Tramite hori eginda, BI-2238 errepidean abiadura erregulatuko duten bost semafororen bidez uhin berdea sortzea onartu du udalak.

«Bost semaforo ipiniko dituzte Gautegiz Arteagan, abiadura erregulatzeko». Busturialdeko Hitza. || Data: 2013-11-06

https://busturialdea.hitza.eus/2013/11/06/bost-semaforo-ipiniko-dituzte-gautegiz-arteagan-abiadura-erregulatzeko/

olatu berde

(iz.)

Testuingurua:

Semaforoen sinkronizazioari eta “olatu berdea” sortzeko arriskuari dagokionez: gai hori bileran planteatu zen, eta Mugikortasun Sailak argi utzi zuen semaforoak ez zirela modu horretan sinkronizatuko.

«Kalapieren ustez, Loiolako Erriberako semaforoen sistema “akats handia” da». Hirutxuloko Hitza. || Data: 2025-12-18

https://irutxulo.hitza.eus/2025/12/18/kalapieren-ustez-loiolako-erriberako-semaforoen-sistema-akats-handia-da/

Lehen agerraldia: Bizikleta trafikoa nabarmen arindu zen hirian ezarri zenetik ‘Olatu berdea’, alegia, semaforoak programatu zirenean bizikletei mesede egiteko; esaterako, helburuetako bat da orduko 20 kilometrora doazen bizikletak semaforoak (berdean) errenkadan pasatzea.

TORNER, Jon. «Kopenhageizatu zeure hiria: bizikletaren ahalmena hiriak eraldatzeko». Argia. || Data: 2018-06-22

https://blogak.argia.eus/jon-torner/2018/06/22/kopenhageizatu-zeure-hiria-bizikletaren-ahalmena-hiriak-eraldatzeko/