UZEI Neoloteka A-Z glotofobia

glotofobia; hizkuntza-diskriminazio

eu: glotofobia; hizkuntza-diskriminazio
es: glotofobia; discriminación por razón de lengua
fr: glottophobie; discrimination linguistique; discrimination fondée sur la langue
en: glottophobia; linguistic discrimination; language discrimination; language-based discrimination

Definizioa:

Pertsona bat edo pertsona-talde bat hitz egiten duen hizkuntzagatik edo hizkeragatik diskriminatzea.

glotofobia

(iz.)

Testuingurua:

Glotofobia normatiboa ez den azentuari higuin izatean datza, arauaren araberakoa ez den moduan hitz egiten dutenak gutxietsi eta baztertzean.

URGELL, Blanca. «Altxorrik handiena». Berria. || Data: 2022-02-02

https://www.berria.eus/iritzia/larrepetit/altxorrik-handiena_1308222_102.html

Hasieran pentsatu nuen badela termino bat hizkuntzekiko beldurra adierazteko, hau da, «glotofobia», abiapuntu gisa balia nezakeena... baina, egunak etorri, egunak joan, udaberriak ekarri zidan berba zehatz batez erditzeko inspirazioa: «mintzomatxismoak».

PAYA RUIZ, Xabier. «Mintzomatxismoak». Berria. || Data: 2019-06-04

https://www.berria.eus/iritzia/arkupean/mintzomatxismoak_1251353_102.html

Lehen agerraldia: Iragarkiak gogora ekarri dit aspaldian leitutako notizia bat, hartaz aurrerago idazteko sakelakoan gorde nuena: Frantziako Nazio Biltzarrak glotofobiaren kontrako lege proiektua onartu zuen iaz.

ERRO, Angel. «Glotofobia». Berria. || Data: 2017-12-17

https://www.berria.eus/iritzia/jira/glotofobia_1286764_102.html

hizkuntza-diskriminazio

(iz.)

Testuingurua:

Euskara eta hizkuntza-diskriminazioa nola lotzen diren gainerako zapalkuntza-mota guztiekin ikusaraztea (euskara ez da pribilegiatuen hizkuntza, guztiz kontrakoa baizik).

«Euskalduntze-alfabetatzea intersekzionalitatearen ikuspegitik. (Glotodidaktika VIII. Topaketa)». UEU [webgunea]. || Data: 2024

https://www.ueu.eus/jarduera-akademikoa/2036-euskalduntze-alfabetatzea-intersekzionalitatearen-ikuspegitik-glotodidaktika-viii-topaketa

Ondorengo loturan dituzun galderak erantzun, katalanaren partez euskara jarrita, eta ikusi zenbateko hizkuntza diskriminazioa bizi duzun.

GOIKOETXEA, Bixenta. «Euskara hutsean bizi zaitezke?». Zuzeu. || Data: 2015-09-23

https://zuzeu.eus/euskara/euskara-hutsean-bizi-zaitezke/

Lehen agerraldia: Ereduaren bultzatzaileek eskolatze sare bikoitza saihestu zuten, besteak beste hizkuntza diskriminazioa amaitzeko.

EPELDE, Elixabet. «Hizkuntza gatazka, hezkuntzan». Berria. || Data: 2011-09-21

https://www.berria.eus/mundua/hizkuntza-gatazka-hezkuntzan_1127860_102.html