Guztira 1.379 sarrera biltzen dituen glosario elebidunak (euskara-ingelesa) kontsulta-aukera berria du: botoi batekin klik eginez, Euskaltermen zuzenean egin daitezke bilaketak.

Oraingoz definiziorik ez eskaintzea erabaki bada ere, sarrera bakoitzak “testuingurua” eremua dauka, MZT Kongresuko 2018ko edizioan terminoa nola erabili zen kontsultatzeko.

Proiektuan UZEIrekin lankidetzan aritu ziren erakunde hauetako 11 aditu: CEIT, Leartiker, Mondragon Unibertsitatea, Tecnalia eta Euskal Herriko Unibertsitateko Gipuzkoako Ingeniaritza Eskola, Polymat eta Zientzia eta Teknologia Fakultatea.

Baliabide hau Materialen Zientzia eta Teknologiaren arloko komunitatearentzat tresna baliagarria da, terminologiaren erabilera bateratua eta koherentea sustatzeko. Etorkizunean, lexikoa eguneratuz joango da eta hurrengo kongresuetan sortuko diren termino berriak gehituko zaizkio.

Glosarioa kontsultatzeko: https://mzt.uzei.eus/mzt-hiztegia/