Software-garapena eta hizkuntza-teknologiak
Euskararen etorkizun teknologikoa garatzen lagundu nahi duzu?
1 – LANPOSTUAREN DESKRIBAPENA
UZEIren Informatika Saila indartzeko, informatika-ingeniari baten bila gabiltza. Softwarea garatu eta hizkuntza-teknologiekin lotutako proiektuetan parte hartuko du. Izango dituen egitekoak:
- Hizkuntzaren Prozesamenduko (HNP) eta hizkuntza-baliabideetako I+G+b proiektuetan irtenbide teknologikoak garatzea.
- UZEIren aplikazioak, tresnak eta zerbitzu digitalak diseinatu, garatu, hobetu eta mantentzea.
- Proiektu eta ideia berriak proposatu, diseinatu eta dokumentatzea; adimen artifizialeko tresnak garapen-lanean erabiltzea.
- Informatikarien eta hizkuntzalarien diziplina anitzeko taldean elkarlanean aritzea.
2 – ZER BILATZEN DUGUN
- Informatika-ingeniaritzako gradua edo titulazio baliokidea.
- Programazioan eta software-garapenean oinarri sendoak eta datu-baseei eta software-aplikazioen arkitekturari buruzko oinarrizko ezagutzak.
- Euskaraz ahoz zein idatziz lan egiteko gaitasuna; arazo teknikoak aztertzeko eta konpontzeko trebetasuna. Ingelesa hitz egitea baloratuko da.
- Autonomia, ekimena, talde-lanerako jarrera eta etengabe ikasteko gogoa.
- Teknologia hauek ezagutzea baloratuko da: Python, Java edo antzeko hizkuntzak; SQL, web-aplikazioak eta APIak; Git/SVN, Linux, Docker eta CI/CD; software-probak; HNP/NLP, LLMak eta AA tresnak.
- Hizkuntzaren Azterketa eta Prozesamendua Unibertsitate Masterra izatea baloratuko da.
- HNP edo I+G arloetan esperientzia izatea ere kontuan hartuko dira.
Ez da beharrezkoa teknologia horiek guztiak menderatzea
3 – ZER ESKAINTZEN DUGUN
- Lan-kontratu egonkorra.
- Ordutegi trinko eta malgua, lana eta bizitza pertsonala uztartzeko.
- Software-garapena, hizkuntza-teknologiak eta adimen artifiziala uztartzen dituen lan-ingurune berritzailea.
- Proiektu berriak proposatzeko, ezagutza partekatzeko eta ibilbide profesionala egiteko aukera, hizkuntzalariekin eta teknologiaren arloko profesionalekin batera.
Interesatzen zaizu? Bidali zure curriculuma uzei@uzei.eus helbidera, 2026ko abenduaren 7a baino lehen.


