Askotan horrelako esaldiak ikusten dira komunikabideetan eta bestelakoetan: \u00abGaza airetik erasotu du Israelek\u00bb, \u00abPandemiak mundu osoa eraso du\u00bb, \u00abKroaziarren kontra-erasoak gerrari buelta eman zion\u00bb edo \u00abBi taldeek defentsa gogorra ezarri nahi izan zuten hasieratik, kontra-erasoan aldi berean min egiteko asmoz\u00bb\u00bb.<\/p>\n
Euskara Batuaren Eskuliburua<\/em>n gogorarazten denez, eraso<\/strong> aditza erabiltzea gomendatzen du Euskaltzaindiak (ez *erasotu<\/em>). Aditz horrek, gainera, dio<\/em> erregimeneko laguntzailea behar du.<\/p>\n Kontraeraso<\/strong> hitza \u2018aurkariaren edo etsaiaren erasoari erantzunez egindako erasoa\u2019 gisa definitzen du hiztegi arauemaileak, eta beti hitz bakarrean idazten da, zuriunerik eta marratxorik gabe. Izan ere, latinetiko aurrizki hori lotuta idatzi behar da: kontrabaxu<\/strong>, kontradantza<\/strong>, kontraesan<\/strong>, kontrairaultza<\/strong>, kontrajarri<\/strong>\u2026 formetan bezala.<\/p>\n Bestalde, ofentsiba <\/strong>hitza ere jaso du Euskaltzaindiak hiztegian, \u2018eraso militarra\u2019 adierarekin.<\/p>\n Hortaz, honela idatziko genituzke goiko esaldi horiek: \u00abGazari airetik eraso dio Israelek\u00bb, \u00abPandemiak mundu osoari eraso dio\u00bb, \u00abKroaziarren kontraerasoak gerrari buelta eman zion\u00bb edo \u00abBi taldeek defentsa gogorra ezarri nahi izan zuten hasieratik, kontraerasoan aldi berean min egiteko asmoz\u00bb.<\/p>\n Argibide gehiagorako:<\/p>\n